Sveio kommune har ein ung befolkning. Flesteparten av sveibuane er barn og unge. Desse fyller opp våre rundt tjue fotballag, ti volleyballag, allidrett, karate, orienteringslag og golf. Alle desse laga har sine trufaste oppmenn- og damer, trenarar og andre frivillige som står på veke etter veke året rundt. I kor og korps, 4- H og speidarforening møtes barn og unge til aktivitet heile året.

Både som innbyggjar og som lokalpolitikar, har eg stundom høyrt at Sveio er ein relativt næringsfattig kommune. Når eg i lag med mine kollegaer i Sveio Arbeiderparti vitja fleire bedriftar i Sveio, fekk eg likevel eit heilt anna inntrykk.